Kuchli maketing raqobatdoshlardan ustun bo’lish va xaridorlarni qo’llab-quvvatlashiga erishishning kalitidir. Ross Jenkins
Hozirgi zamonda biznes uchun yuqori sifatli mahsulot va xizmatlarga ega bo’lishning o’zi yetarli emas. Raqobatdoshlardan ajratib, xaridorlarni sizni tanlashlariga undash uchun sizda kuchli marketing strategiyasi bo’lishi lozim. Hozirda, ba’zi dunyoga mashhur brendlar mahsulotlari va xizmatlari o’rtacha bo’lsada, kuchli marketing strategiyalari orqali muvaffaqiyat qozonganlar.
Maketingga investitsiya kiritishning ko’plab afzalliklari mavjud. U sizga mahsulotingizga qiziqadigan keng auditoriyaga kirib borishingizni va keyinchalik ular hisobiga sotuvlaringiz hajmini oshirishga yordam beradi. Bundan tashqari, kuchli marketing sizning brendingiz obro’sini ko'taradi, natijada iste’molchilaringiz sodiqligini qo’lga kiritishingiz osonlashadi.
Ammo shuni bilish kerakki, juda ko’plab marketing strategiya turlari (televizor, radio va bosma reklamalarni o’z ichiga olgan an’anaviy reklama, ijtimoiy tarmoqlar va boshqalardan iborat bo’lgan zamonaviy reklamalar) mavjud bo’lib, ulardan qayerda va qanday qo’llashni bilish juda muhim.
Quyida biznesingiz marketingini boshlash uchun samarali usullar keltirib o'tilgan
- Rejalashtirishni o’rganing
Har qanday marketingni boshlash uchun sizga reja zarur. Siz rejalaringizni guruhlarga bo’lishingiz va ularning elementlarini yozib chiqishingiz va kalendaringizdan foydalanib maqsadlaringizni ro’yxatini tuzishingiz mumkin. Rejangiz katta bo’lishi shart emas. Eng muhimi, biznesingiz uchun foydali va erishsa bo’ladigan bo’lishidir.
Siz shuningdek 30 sekund ichida odamlarga mahsulotingiz yoki xizmatingiz, brendingiz haqida qisqa ammo qiziqarli ma’lumot berishga tayyor bo’lishingiz kerak. Rejangizni shakllantirishning yaxshi yo’llaridan biri bu - odamlarning sizning xizmatlaringizga yoki mahsulotingizga bo'lgan munosabatlarini o’rganish. Nima qilishingizga qaramasdan, sizning asosiy maqsadingiz yaxshi taassurot qoldirishdir.
- Veb sahifangizni yarating
Ko’p insonlar va bizneslar texnologiya bilan uzviy bog’liq. Shu sababli, ko’plab potensial mijozlar biznesingizni "Google"dan qidirishadi. Agar sizning veb-sahifangiz bo’lsa, ular osongina sizning biznesingiz ularga nima taklif qila olishini ko’rishlari mumkin. Siz veb-sahifangizni yaratganingizda, uni turli xil qurilmalarga moslashtirishingiz muhimdir. Shuningdek, siz "Google analitikasi"dan foydalangan holda sahifangiz faolligini kuzatib borishingiz mumkin.
- Ijtimoiy tarmoqlar imkoniyatlaridan foydalaning
Ko’p insonlar har kuni ijtimoiy tarmoqlardan foydalanishadi. Eng ko’p foydalanuvchi "Facebook" tarmog’ida bo’lib, agar hali ham biznesingizning Facebook sahifasi bo’lmasa, unda hozir ayni vaqti! Agar bu tarmoqda o'z sahifangizga ega bo’lmasangiz, juda ko’p imkoniyatlardan mahrum bo’lishingiz mumkin.
- Biznesingizni onlayn ro’yxatdan o’tkazing
Biznesga aloqador nima bo’lishidan qat’iy nazar, bu haqidagi ma’lumotni onlayn topish mumkin. Odamlar sizning mahsulot va xizmatlaringiz haqida nimani o’qiyotganlarini va sizning sahifangizda nimani ko’proq qidirayotganini ko’rishni yoki nazorat qilishni xohlarsiz, siz bunga biznesingizning onlayn ro’yxatdan o’tkazish orqali erishishingiz mumkin.
- Google reklamalaridan foydalaning
Bu reklamalar sizga muayyan turdagi mahsulotlar va xizmatlarni targeting qilishga yordam beradi. Bundan tashqari, Google reklamalari maqsadli manzilni tanlashga va byudjetingiz ustida ishlash imkoniyatini beradi.
- Boshqa biznes va tashkilotlar bilan aloqalaringizni yaxshilang
Bunday aloqalar marketing ishlarini rivojlantirish va boshqa biznes rahbarlarining e’tiborini jalb qilishning ajoyib usuli. Boshqa biznes, tashkilot egalari, biznes assotsiatsiyalari bilan yaxshi aloqalar o’rnatish biznesingiz haqida ma’lumotlarni tez yoyilishiga sabab bo’ladi.
Siz buning uchun turli xil xayriya yoki ijtimoiy tadbirlar, boshqa dasturlarni qo’llab-quvvatlashingiz mumkin. Siz nafaqat biznesingizni mashhur qilasiz, balki jamiyatingiz uchun ham foydangiz tegadi.
- Mahsulot yoki xizmatlaringizni bepul sinovdan o’tkazishlariga imkoniyat bering
Boshlanishida siz shu tariqa mijozlarni jalb qilishingiz mumkin. Sizning mahsulotingizdan qoniqqan mijoz yana qaytib keladi va o’ziging iliq taassurotlarini do’sti va o’rtoqlari bilan bo’lishadi.
- Reklama qiling
Siz mahsulotingiz raqobatchilaringiz taklif qilayotgan mahsulotlardan ko'ra ustun ekanligini va mahsulotning o’ziga xos jihatlarini reklamada aks ettirishingiz kerak. Shuningdek, qanday qilib siz bilan bog’lanishlari haqida ma’lumot bo’lishi shart.
- Va nihoyat, mualliflik huquqi
Mualliflik huquqi g’oyalaringizni sizning ruxsatingizsiz o’g’irlashlaridan himoya qiladi. Siz ularni qonun orqali himoya qilishingiz kerak.
Hozir siz qanday qilib mahsulotingizni samarali sotish bilan tanishdingiz. Bu pog’analarni izchil bosib o’tishingiz lozim.
Madina Tursunboyeva tarjimasi
